ZORIONAK GARRAITZ (XXV. urteurrena)

GARRAITZ KIROL TALDEAREN XXV. urteurrena

1988. urteko ABENDUAK 7an Garraitz Kirol Taldearen jaio zan, hau da bihar, orain 25 urte. Urte guzti hauetan hamarnaka edo dozenaka lagun batu gara triatloi, duatloi, kros, trabesia, igeriketa froga... baita ere herriko jaietako hainbat ekimenetan: buruhandi, erraldoi, herriaren apainketan, umeen jolasak, kukaña...

Gaur egun Lekeition Garraitz triatloi talde bat baino gehiago dela esan dezakegu izan ere Euskara eta herriko jaiekin konpromezua duen taldea da. Aipatu beharrekoa da ere aurten Lekeitioko Triatloiaren XX. urteurrena izan dela hau da Bizkaiko zaharrena eta Euskal Herriko zaharrenetakoa ta kirol honek azken urteetan duen gorantzko joera ikusirik beste hainbat urte geratzen zaiola aurreikusten dugu.

Urteurren hau ospatzeko urte guzti hauetan Garraitz Kirol Taldearen izenean triatloi bat egin izan duten kirolari guztiak batzen saiatuko gara Abenduak 20an luntx baten inguruan azken urteetako ibilibide eta pasarteak alkarreri kontatzeko, historioak ez baitira faltako.

Gonbidapena luzatzeko zerrenda egiteko orduan 130 bat lagunen izenak irten dira... egia esan gu izan gara lehen harritua, ea ahalik eta lagun gehien batzen garen.

Besterik barik! Garraitzen 25 urteurren onetan eta geratzen dirazen beste hainbatetarako zorionak!!!